បែកធ្លាយរូបភាពក្រៅឆាករបស់រឿង "ស្នេហាបួនដួង" (F4) ស៊េរី២០១៨

2018-01-24 21:05:14
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកគាំទ្ររបស់រឿងភាគ "ស្នេហាបួនដួង" ជំនាន់ចាស់កំពុងរង់ចាំយ៉ាងអន្ទះសារនៅរឿងភាគនេះស៊េរីថ្មីបង្ហាញរូបភាពក្រៅឆាករបស់ខ្លួន។

កាលពីថ្ងៃទី២៣ខែមករាកន្លងទៅនេះ រូបភាពក្រៅឆាករបស់ខ្សែភាពយន្តភាគ "Meotor Garden” ស៊េរីឆ្នាំ២០១៨ ត្រូវបានផលិតកររឿងនេះបញ្ចេញនៅលើអ៊ីនធឺណិត។ នៅក្នុងរូបទាំងនេះ តួសាន់ឆាយកំពុងស្លៀករ៉ូបមង្គលការយ៉ាងស្រស់ស្អាត ធ្វើឲ្យអ្នកគាំទ្រចង់តែទស្សនាភ្លាមៗ។

ជាមួយនឹងសាន់ឆាយ គេក៏សង្កេតឃើញវត្តមានរបស់ តាវ មិញស៊ឺ និងគួ ចាឡឺយផងដែរនៅក្នុងបណ្ដុំរូបភាពនេះ។ តាមនោះដែរ ស៊េរី២០១៨ គឺជាស៊េរីទី៤ហើយដែលរឿងគំនូរជីវចល F4 ត្រូវបានយកមកផលិត ពោលគឺក្រោយតៃវ៉ាន់ ជប៉ុន និងកូរ៉េ។ មនុស្សជាច្រើនកំពុងតែរំពឹងថា វគ្គថ្មីដែលត្រូវបានផលិតដោយចិនដីគោកនេះ នឹងមិនធ្វើឲ្យពួកគេអស់សង្ឃឹមទៅចុះ។ តាមគម្រោងរឿងភាគនេះនឹងមានប្រវែង៤៨ភាគ ហើយមិនទាន់មានកាលបរិច្ឆេទចាក់ផ្សាយច្បាស់លាស់នោះឡើយ៕