អតីតតារាល្បីជួរមុខ ៥រូបដែលធ្លាក់កូដខ្លាំងបំផុត ក្រោយសម្រេចចិត្តផ្លាស់ប្ដូរទ្រនំ

2018-01-24 20:19:55
ចំនួនមតិ 0 | ចំនួនចែករំលែក 0

ចន្លោះមិនឃើញ

ជាតារាសម្ដែងដែលជាប់កុងត្រាជាមួយប៉ុស្តិ៍ទូរទស្សន៍ ឬផលិតកម្ម ឬក៏ជាតារាសម្ដែងឯករាជ្យគឺសុទ្ធតែមានចំណុចល្អ និងចំណុចអាក្រក់ផ្សេងៗគ្នា។ សម្រាប់សិល្បៈថៃ គេប្រាកដជាធ្លាប់បានឮញឹកញាប់ពីព័ត៌មានដែលតារាផ្លាស់ប្ដូរទ្រនំ ឬសម្រេចចិត្តមិនបន្តកុងត្រាជាមួយទ្រនំចាស់ ដោយអ្នកខ្លះក៏សម្រេចទៅជ្រកកោនក្រោមទ្រនំថ្មី ហើយអ្នកខ្លះទៀតក៏សម្រេចចិត្តធ្វើជាតារាសម្ដែងឯករាជ្យមិនជ្រកក្រោមផលិតកម្ម ឬប៉ុស្តិ៍មួយណាទាំងអស់។ ខាងក្រោមនេះ គឺតារាសម្ដែងថៃល្បីៗចំនួន ៦រូបដែលធ្លាប់ជាតារាជួរមុខឡើងកូដដល់កំពូល ប៉ុន្តែប្រែជាស្ងប់ស្ងាត់លែងទទួលបានការចាប់អារម្មណ៍ដូចពីមុន ក្រោយផ្លាស់ប្ដូរទ្រនំ៖

៦. Poh Nattawut

ក្រោយសម្រេចចិត្តចាកចេញពីប៉ុស្តិ៍លេខ ៧ដែលធ្វើឲ្យកេរ្តិ៍ឈ្មោះរបស់ខ្លួនល្បីរន្ទឺ មកចុះកុងត្រាថ្មីជាមួយប៉ុស្តិ៍លេខ៣វិញ គេសង្កេតឃើញថាតារាសម្បុរស្រអែម Poh Nattawut ក៏លែងឡើងកូដខ្លាំងដូចមុន ព្រោះ Rating រឿងភាគថ្មីមួយៗហាក់មិនសូវជាល្អប៉ុន្មាន ប៉ុន្តែយ៉ាងណា តារារូបនេះក៏នៅមានរឿងភាគជាបន្តបន្ទាប់សម្រាប់អ្នកគាំទ្រទស្សនាមិនស្ងាត់ឡើយ។

៥. Ploy Chermarn

ក្រោយសម្រេចចិត្តមិនបន្តកុងត្រាជាមួយប៉ុស្តិ៍លេខ៣ ព្រមទាំងវិវត្តខ្លួនមកជាតារាសម្ដែងឯករាជ្យ កេរ្តិ៍ឈ្មោះរបស់តារាសិចស៊ី Ploy Chermarn ក៏បែរជាស្ងប់ស្ងាត់រយៈពេលជាយូរ ទាំងការងារ Event ក៏មិនសូវមានដូចមុន ក៏ដូចជាការងារផ្សព្វផ្សាយពាណិជ្ជកម្មផ្សេងៗ ហើយរឿងភាគក៏កាន់តែរយាល។ ទើបតែថ្មីៗនេះ Ploy បានត្រលប់មកវិញក្នុងរឿងភាគថ្មីមានចំណងជើងថា “ស្នេហ៍លើកចុងក្រោយ” ឬ “Kwam Ruk Krang Suthai”។

៤. Pinky Savika

បន្ទាប់ពីមានរឿងចម្រូងចម្រាសជាមួយតារារៀមច្បង ព្រមទាំងសម្រេចចិត្តចាកចេញពីប៉ុស្តិ៍លេខ ៧ មកធ្វើជាតារាសម្ដែងឯករាជ្យ Pinky ក៏ស្ងប់ស្ងាត់ជាងមុនបន្តិច ប៉ុន្តែក្រោយរៀបការ នាងក៏បញ្ចប់អាជីពសិល្បៈទាំងស្រុងរយៈពេលបីឆ្នាំពេញ។ យ៉ាងណាមិញ ក្រោយលែងលះស្វាមីកាលពីពេលថ្មីៗនេះ អ្នកគាំទ្រអាចមានសង្ឃឹមបានឃើញ Pinky តាមកញ្ចក់ទូរទស្សន៍វិញឆាប់ៗ ដោយនាងបានប្រកាសថានឹងចូលសិល្បៈដូចដើមវិញ។

៣. Tangmo Nida

តារាសម្ដែង Tangmo Nida ហាក់មិនបានទទួលជោគជ័យដូចការរំពឹងទុកឡើយ ក្រោយចាកចេញពីប៉ុស្តិ៍លេខ ៧ មកជាតារាសម្ដែងឯករាជ្យ ព្រោះក្រៅពីរឿងភាគមានភាពស្ងប់ស្ងាត់ហើយ នាងក៏មានព័ត៌មានអាស្រូវចេញមកច្រើនហូរហែ។

២. Pancake Khemnit

អាចនិយាយបានថាគួរឲ្យសោកស្ដាយសម្រាប់ Pancake ដែលធ្លាប់ឡើងកូដជាតារាសម្ដែងជួរមុខរបស់ប៉ុស្តិ៍លេខ ៧ មុននឹងសម្រេចចិត្តផ្លាស់ប្ដូរមកចុះកិច្ចសន្យាជាមួយប៉ុស្តិ៍ True ដោយប៉ុន្មានចុងក្រោយនេះនាងមានរឿងចេញតិចបំផុត ហើយរឿងនីមួយៗក៏មិនទទួលបានការគាំទ្រច្រើនដូចមុនដែរ។

១. Tle Thanapol

ក្រោយផ្លាស់ប្ដូរមកសម្ដែងរឿងភាគឲ្យប៉ុស្តិ៍លេខ ៨ គេសង្កេតឃើញថាតារាសម្ដែង Tle Thanapol ក៏មិនល្បីដូចកាលដែលនៅប៉ុស្តិ៍លេខ ៧ដែរ ថែមទាំងមានព័ត៌មានអាស្រូវជាច្រើនទៀត រួមទាំងត្រូវគេចោទប្រកាន់រឿងលួចទ្រព្យសម្បត្តិសាធារណៈ ដែលធ្វើឲ្យ តារារូបនេះរងសម្ពាធខ្លាំងជាទីបំផុត ៕

ប្រភព៖ kanha ប្រែសម្រួល៖ mrrdom47

អត្ថបទពេញនិយម

អត្ថបទថ្មី

រឿង ៤យ៉ាងដែលមនុស្សមាន EQ ខ្ពស់មិនដែលចំណាយសូម្បីតែលុយ ដើម្បីផ្គាប់ចិត្តអ្នកម្នាក់វាហាក់អត់ប្រយោជន៍

“មូលហេតុដែលខ្ញុំមិនចង់ឲ្យអ្នកខ្ចីលុយ” ផ្ញើជូនមហាមិត្តចរិតបានមួយចំនួន

បើមិនចង់ខ្មាសគេពេលពាក់វាលៗ ស្រីៗគួរស្វែងយល់ប្រភេទអាវក្នុងទាំង ៧

អាហារ ៥យ៉ាងបង្កើនហានិភ័យនៃជំងឺមហារីកដែលអ្នកត្រូវដឹងជាចាំបាច់

ក្រោយបែកពីសង្សារ Kwan Usamanee កាន់តែសិចស៊ីមិនសំចៃខ្លួន

ទូច ស្រីល័ក្ខណ៍ បង្ហើបតិចនិកថែទាំកូនឲ្យមានសុខភាពល្អ និងឈ្លាសវៃ

ឃើញអនាគតប៉ាម៉ាក់ក្មេកវ៉ៃគ្នា ខ្ញុំត្រូវផ្ដាច់ពាក្យទាំងចិត្តនៅអាល័យ តើត្រូវឬខុស?